O artigo 8.3 da Lei 2/2023, establece que tanto o nomeamento como o cesamento das persoas responsables das canles internas, debe ser comunicado ao órgano competente da Comunidade Autónoma, que na nosa Comunidade Autónoma é a Autoridade Galega de Protección do Informante (AGPI).

A comunicación debe facerse mediante a cumprimentación e envío do formulario correspondente a entidades privadas ou a entidades do sector público, segundo corresponda, ao que se pode acceder a través da seguinte ligazón:

https://comunicacion-responsable.apigalicia.gal/siaci_sxi/publico

O procedemento a seguir é o seguinte: Debe cubrir a solicitude, pulsar en gardar, pulsar en xerar solicitude (lle vai a xerar un pdf), asine o pdf no seu ordenador, cargue o arquivo asinado no apartado correspondente (solicitude asinada), pulse outra vez gardar e xa lle permite presentar a solicitude. Coa presentación lle xerará un xustificante.

Deben contar con canle interna (artigos 12 e 13 da Lei 2/2023):

• a) Todas as persoas físicas ou xurídicas do sector privado que teñan contratados cincuenta ou máis traballadores.

• b) Todas as persoas xurídicas do sector privado que se atopen dentro do ámbito de aplicación dos actos da Unión Europea en materia de servizos, produtos e mercados financeiros, prevención do branqueo de capitais ou do financiamento do terrorismo, seguridade do transporte e protección do medio ambiente a que se refiren as partes I.B e II do anexo da Directiva (UE) 2019/1937, do Parlamento Europeo e do Consello, do 23 de outubro de 2019.

• c) Os partidos políticos, os sindicatos, as organizacións empresariais e as fundacións creadas por uns e outros, sempre que reciban ou xestionen fondos públicos.

• d) Cada unha das empresas integrantes de grupos de empresas mercantís.

• e) A Administración Xeral da Comunidade Autónoma de Galicia e as entidades que integran a Administración Local galega.

• f) Os organismos e entidades públicas vinculadas ou dependentes dalgunha das anteriores Administracións públicas, así como aqueloutras asociacións e corporacións nas que participen estas Administracións e organismos públicos.

• g) As universidades públicas galegas.

• h) As corporacións de Dereito público.

• i) As fundacións do sector público galego.

• j) As sociedades mercantís en cuxo capital social a participación pública, directa ou indirecta, sexa superior ao cincuenta por cento, e as que se atope no suposto previsto no artigo 5 do texto refundido do Real Decreto Lexislativo 4/2015, do 23 de outubro, do Mercado de Valores.