En data 5 de maio de 2025 o Pleno da AGPI celebrou a súa 15ª sesión plenaria de carácter ordinario. Na orde do día figuraba a aprobación, se así procedese, do “informe do subdirector da AGPI relativo a determinadas entidades do sector privado obrigadas a implantar sistemas internos de información”. O devandito informe foi aprobado por unanimidade polo Pleno da AGPI.

No mesmo debúllase o artigo 10 da Lei 2/2023, relativo a Entidades obrigadas do sector privado, onde se obriga a dispoñer un Sistema interno de información nos termos previstos nesta lei a, entre outras, as persoas físicas ou xurídicas do sector privado que teñan contratados cincuenta ou máis traballadores, e as persoas xurídicas do sector privado que entren no ámbito de aplicación dos actos da Unión Europea en materia de servizos, produtos e mercados financeiros, prevención do branqueo de capitais ou do financiamento do terrorismo, seguridade do transporte e protección do medio ambiente a que se refiren as partes I.B e II do anexo da Directiva (UE) 2019/1937, do Parlamento Europeo e do Consello, do 23 de outubro de 2019.

O informe divídese en catro partes. As tres primeiras dedícanse, tras unha necesaria introdución, ao estudo de concreto e específico das entidades do sector privado mencionadas anteriormente, que se atopan obrigadas a dispoñer un SII nos termos previstos na Lei 2/2023.

A última das súas partes dedícase ao estudo concreto desa específica obrigación con respecto ao distribuidores de seguros e reaseguros aos que se refire a Real Decreto-lei 3/2020, do 4 de febreiro (de medidas urxentes polo que se incorporan ao ordenamento xurídico español diversas directivas da Unión Europea no ámbito da contratación pública en determinados sectores; de seguros privados; de plans e fondos de pensións; do ámbito tributario e de litixios fiscais), no relativo á transposición da Directiva (UE) 2016/97 do Parlamento Europeo e do Consello, do 20 de xaneiro de 2016, sobre a distribución de seguros.